Anni Saadhyame Yesuku song lyrics :
అన్నీ సాధ్యమే
యేసుకు అన్నీ సాధ్యమే ||2||
అద్భుత శక్తిని నెరపుటకైనా
ఆశ్చర్య కార్యములొసగుటకైనా ||2||
ఆ యేసు రక్తానికి
సాధ్యమే సాధ్యమే సాధ్యమే ||2|| ||అన్నీ సాధ్యమే||
1. మాధుర్యమైన జలముగా – మారాను ప్రభు మార్చెను
మృత్యువు నుండి లాజరును – మాహిమార్థముకై లేపెను ||2||
మన్నాను కురిపించగా – ఆకాశమే తెరిచెను
మరణాన్ని ఓడించగా – మృత్యుంజయుడై లేచెను ||2|| ||అన్నీ సాధ్యమే||
2. బండనే చీల్చగా – జలములే పొంగెను
ఎండిపోయిన భూమిపై – ఏరులై అవి పారెను ||2||
బందంటే క్రీస్తేనని – నీ దండమే తానని
మెండైన తన కృపలో – నీకండగా నిలచును ||2|| ||అన్నీ సాధ్యమే||
3. ఏకాంతముగా మోకరిల్లి – ప్రార్ధించుటే శ్రేయము
ఏల నాకీ శ్రమలని – పూర్ణ మనసుతో వేడుము ||2||
యేసయ్య నీ వేదన – ఆలించి మన్నించును
ఏ పాటి వ్యధలైననూ – ఆ సిల్వలో తీర్చును ||2|| ||అన్నీ సాధ్యమే||
4. కష్టాల కడలిలో – కన్నీటి లోయలో
కనికరమే ప్రభు చూపును – కంటిపాపలా కాయును ||2||
కలిగించు విశ్వాసము – కాదేదీ అసాధ్యము
క్రీస్తేసు నామములో – కడగండ్లకే మోక్షము ||2|| ||అన్నీ సాధ్యమే||
For Video Song Click Here: Anni Saadhyame Yesuku
