Kalvarilona Chesina: Sayram Gattu
కల్వరిలోన చేసిన యాగం
మరణము గెలిచిన నీ యొక్క త్యాగం ||2||
కడిగి వేసెను నాదు పాపం
నిలిపె నాలో నీ స్వరూపం ||2|| ||కల్వరిలోన||
1. ఆ పాపులు అలుపే లేక నిను కొట్టిన దెబ్బలు
తొలగించే నాపై ఉన్న ఆ ఘోర శాపాలు
పరిశుద్ధ దేహముపై చెలరేగెను కొరడాలు
నాలోని రోగాలకై పొందితివా గాయాలు ||2||
దైవ సుతుడవే అయిన గాని
కనికరము వీడవు ఏల క్షణమైనా గాని ||2|| ||కల్వరిలోన||
2. ఏ దోషం లేని దేహం మోసెను సిలువ భారం
రద్దాయెను నాలో నేరం తగ్గించెను నా భారం
నువ్వు పొందిన అవమానం నను ఉన్నతి చేర్చెను
చిందించిన నీదు రక్తం పరిశుద్ధుని చేసెను ||2||
నిన్నే బలిగా నువ్వు మార్చుకుంటివి
నన్ను రక్షించుటకు వేదన పడితివి ||2|| ||కల్వరిలోన||
3. సిలువలో వ్రేలాడుతూ నువ్వు పొందిన దాహము
అందించేను నా కొరకై ఆ జీవ జలము
కఠినులుగా మారి నీకు అందించిన ఆ చేదు
నింపేను నాలో మధురం తొలగించే నా కుటిలం ||2||
అధికారమే లేని మరణము నిలిచెను
నిన్ను తాకేందుకు అనుమతి కోరెను ||2|| ||కల్వరిలోన||
For Video Song: Kalvarilona Chesina – కల్వరిలోన చేసిన యాగం
