ఆరాధించెదము ఆత్మతో నిరతము
యెహోవా దేవుని మనమంతా
ఆనంద గానము మనసారా పాడుచు
అనుదినం కీర్తింతుము రారాజును – ||2|| ||ఆరాధించెదము||
అక్షయ నాథుడు అద్వితీయుడు
పరిశుద్ధ దేవుడు నిత్య నివాసియు ||2||
ఆద్యంత రహితుడు అదృశ్య రూపుడు ||2||
అమరుడై యున్నవాడు మన దేవుడు ||2|| ||ఆరాధించెదము||
సత్య స్వరూపి మహోన్నతుడు
మహిమాన్వితుడు మనకును తండ్రియే ||2||
ప్రభువైన క్రీస్తుకు తండ్రియైన దేవుడు ||2||
పరమందు ఆసీనుడు పూజార్హుడు ||2|| ||ఆరాధించెదము||
సమస్తమునకు జీవాధారుడై
శ్రేష్ఠ ఈవులనిడు జ్యోతిర్మయుడై ||2||
భువియందు కృప జూపు కరుణా సంపన్నుడు ||2||
యుగములకు కర్తయే శ్రీమంతుడు ||2|| ||ఆరాధించెదము||